АҚШ Президенти Дональд Трампнинг бошқарувига бир йил тўлиши мамлакат сиёсий ҳаётида муҳим босқич сифатида баҳоланмоқда.

Бу даврда ички сиёсат институционал ислоҳот, иқтисодий ташаббуслар ва ижтимоий муҳокамалар фаоллашувини бошдан кечирди. Ўтган йил Америка етакчисининг раҳбарлик услуби давлат бошқарувида тез ва кескин қарор қабул қилиш хусусияти билан ажралиб турди.

Ташқи сиёсатда Қўшма Штатлар анъанавий иттифоқчилар билан муносабатни қайта кўриб чиқа бошлади. “Америка – биринчи” тамойилига асосланган ёндашув халқаро мажбурият ва ҳамкорлик форматида янги мувозанат излаш жараёнини юзага чиқарди. Бугун АҚШнинг глобал сиёсий муҳитдаги ўрнига турлича баҳо бериляпти.

Шунингдек, Трампнинг бир йиллик фаолияти хавфсизлик ва геосиёсий масалада ташланган жиддий қадамлар билан ёдда қолди. Халқаро можароларга нисбатан қатъий қараш намоён этилди, дипломатик мулоқот услуби ҳам кун тартибидан тушмади. Бундай ёндашув глобал сиёсий таъсирни сақлаб қолишга қаратилган стратегия сифатида кўриляпти.

Умуман, Вашингтон сиёсатида янги давр бошланаётгандек. Мазкур тажрибанинг узоқ муддатли натижаси кейинги йилларда аниқроқ намоён бўлади. Ҳозирча бу давр кутилмаган сиёсий қарорлар, баҳс-мунозаралар ва глобал даражада эътибор марказида қолаётган саъй-ҳаракатлардек тасаввур уйғотмоқда.

АҚШ етакчисининг бир йиллик фаолиятини атрофлича муҳокама қилиш мақсадида ЎзА мухбири экпертлар Фарход Каримов, Ҳабибулло Азимов ва Равшан Ғозиевга мурожаат қилди.

Суҳбатни тўлиқ кўриш учун “Youtube” каналимизга ўтинг.

<iframe width="640" height="420" src="https://www.youtube.com/embed/ochNT1BwzFA" title="Tramp boshqaruvi: bir yillik tajriba vasiyosiy oqibat " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Ойбек Давронов,

ЎзА