АҚШ Президенти Дональд Трамп ўзининг “World Liberty Financial” (WLFI) криптовалютаси билан савдо бошлангандан бери қарийб 5 миллиард доллар фойда кўрди, деб ёзди “The Wall Street Journal” нашри.

— Трамп оиласи душанба куни криптовалютанинг энг йирик корхонаси янги рақамли валютада савдони очгач, қоғозга эгалик қилишдан тахминан 5 миллиард доллар ишлаб олди, — дейилган мақолада. — WLFI пулини энди очиқ бозорда харид қилиш ва сотиш мумкин. Манбага кўра, 1 сентябрь куни бўлиб ўтган савдо “Трампнинг инаугурациядан кейинги энг катта молиявий ютуғи” бўлган.

Америка етакчиси хонадони мавжуд WLFI токенларининг қарийб 25 фоизига эгалик қилади — унинг уч ўғли “World Liberty”нинг ҳаммуассиси, Президентнинг ўзи эса компанияга “фахрий” ҳаммуассис саналади. WLFI ҳозир, дастлабки маълумотга кўра, “Трамп оиласининг энг қимматли активи” бўлиб, уларнинг кўп йиллик кўчмас мулк портфелидан ошиб кетган.

С.Раҳимов, ЎзА