AQSHning sobiq prezidenti Donald Tramp amerikalik askarlarni Afg‘onistondan olib chiqishda hozirgi ma’muriyat qo‘llayotgan strategiyani keskin tanqid qilib, o‘zi rahbarlik qilganida ushbu jarayon boshqacha va ma’lum shartlar asosida kechgan bo‘lardi, dedi .

"Agar 2020 yilda bo‘lib o‘tgan prezident saylovi qalbakilashtirilmaganida edi va men hozir prezident bo‘lganimda, dunyo bizning Afg‘onistonni tark etishimiz ma’lum shartlarga asoslanganini ko‘rgan bo‘lardi", - deyiladi  Tramp tarqatgan bayonotda.

Sobiq davlat rahbarining ta’kidlashicha, uning rahbarligida askarlar umuman, boshqacha olib chiqilgan va buni toliblar boshqalardan ko‘ra yaxshiroq tushungan bo‘lardi". U shuningdek, “Tolibon” harakati vakillari bilan uchrashish tajribasiga egaligini ham qo‘shimcha qilgan.

"Hozir bo‘layotgan voqealar, maqbul emas, uni yanada yaxshiroq amalga oshirsa bo‘lardi", - dedi Tramp.