АҚШнинг собиқ Президенти Дональд Трампнинг фикрича, амалдаги Америка етакчиси Жо Байден инсониятни учинчи жаҳон уруши ёқасига олиб келди. У бу фикрни Жанубий Каролинада “Newsmax” телеканали томонидан намойиш этилган митингда айтган.

“Агар кимдир билмаса, биз учинчи жаҳон уруши ёқасида турибмиз”.

2024 йилдаги президентлик сайловларида қатнашишини таъкидлаб, “Давлат раҳбари бўлганимда мен куч билан тинчлик ўрнатаман, бунақаси ҳали бўлмаган”, деди Трамп.  

Унинг айтишича, “агар мен 2020 йилги сайловларда қайта сайланганимда Россия-Украина инқирози содир бўлмас эди”.  

Трампнинг сўзларига кўра, “ҳозир ҳам у тинчлик келишувига эриша олади”.

ЎзА