АҚШ Президенти Дональд Трамп раҳбарлик фаолиятининг дастлабки 100 кунида мамлакат иқтисодиётига 8 триллион доллар йўналтирганини билдирди. Унинг таъкидлашича, бу Жо Байден бошчилигидаги аввалги маъмурият айни йўналишда 4 йил давомида эришган кўрсаткичдан 8 баробар юқори.

– Шу хонадаги масъуллар – компания вакиллари биргаликда 2 триллион доллар ажратганини эълон қилди ва энди биз жами 8 триллион долларлик маррага яқинмиз, – деди у Оқ уйда АҚШ иқтисодиётига бағишланган йиғилишда.

Трамп иккинчи етакчилик муддати илк 100 кунини сарҳисоб қиларкан, мамлакат тарихда ҳеч қачон бундай натижа қайд этилмаганини ишонч билан такрорлади:

– Охирги маъмурият тўрт йилда уддалаган ишни биз қарийб саккиз баробар қилиб бажардик.

“РИА Новости” хабарига кўра, Трамп ушбу мажлисда келгуси икки ой ичида АҚШ иқтисодиётига жалб қилинган инвестиция ҳажми 8 триллион доллардан оширилишини маълум қилган.

С.Раҳимов, ЎзА