Тожикистонда Ўзбекистон маданияти кунлари
Ўзбекистон ва Тожикистон. Президентларнинг сиёсий иродаси ва оқилона сиёсати туфайли кўп қиррали ҳамкорлиги янги босқичга кўтарилди, халқларимиз дўстлиги мустаҳкамланди.
Ўзбекистон ва Тожикистон. Президентларнинг сиёсий иродаси ва оқилона сиёсати туфайли кўп қиррали ҳамкорлиги янги босқичга кўтарилди, халқларимиз дўстлиги мустаҳкамланди.
Ўзбек халқининг маданий меросини тожиклар эъзозлашади. Тожик маданияти дурдоналари эса ўзбеклар томонидан ҳамиша қадрланган.
Тожикистон Республикасида ўтказилаётган Ўзбекистон маданияти кунлари тадбирларида ана шу дўстона алоқалар ва биродарлик яна бир бор намоён бўлмоқда.
13 ноябрь куни Тожикистон Республикаси Данғара шаҳрида Ўзбекистон делегацияси карнай-сурнай садолари остида илиқ кутиб олинди. Илк маротаба “Қасри Фахранг” маданият саройида ўтказиладиган концерт томошасига Данғара хокимлиги томонидан катта тайёргарлик кўрилган. Ўзбекистонлик дўстларини кутиб олишга чиққан тожикистонликлар юзидаги табассум ва “Хуш омадед” деган сўзлари барчага ўзгача кайфият бағишлади.
Тожикистонда Ўзбекистон элчиси Э.Шоисматов делегацияга раҳбарлик қилди. Делегация раҳбари билан биргаликда Данғара давлат университетига ташриф буюрилди. Университет биносида ҳам талабалар қатор туриб ўзбекистонликларни қарши олиб, қутлашди. Ушбу университетда 86 нафар ўзбекистонлик талаба таҳсил олаётган экан.
Сўнг, “Қасри Фахранг” маданият саройида ўзбекистонлик санъат усталари томонидан катта концерт дастури намойиш этилди. Ўзбекча ва тожикча куй-қўшиқлар барчага хуш кайфият улашди.
Икки томонлама ҳамкорликни, халқларимиз ўртасида дўстлик муносабатларини янада мустаҳкамлашга хизмат қиладиган Ўзбекистон маданияти кунлари тадбирлари давом этмоқда.
Ўзбекистон Маданият вазирлиги
Матбуот хизмати