Тожикистон 2020 йилда 1,5 миллиард киловатт соат электр энергия экспорт қилган
Тожикистон ўтган йили 56,4 миллион долларлик электр энергия экспорт қилди, деб ёзади "Авеста" агентлиги.
Тожикистон энергетика ва сув захиралари вазирлигининг маълум қилишича, ўтган йили мамлакатда жами 19 миллиард 770,5 миллион киловатт соат электр энергия ишлаб чиқарилган. Бу 2019 йилгидан 905,7 миллион киловатт соат кам, дегани. Электр энергия экспортидан олинган даромад ҳам 2019 йилга нисбатан 39,4 фоизга камайган.
Тожикистон асосан Ўзбекистон, Афғонистон ва Қирғизистонга электр етказиб беради.