Японияда автомобиль ишлаб чиқарувчи, 14 та филиалга эга – “Toyota” заводининг иш фаолияти эртага – 1 мартдан бошлаб вақтинча тўхтатилмоқда. Бунга автомобиль етказиб бериш шохобчаларининг бирида юзага келаётган компьютер тизимидаги муаммолар сабабчи, дея маълум қилди компания вакили.

“Интерфакс” агентлиги хабарига кўра, қанча корхона ёпиқ қолиши ҳозирча очиқланмаган, боиси компания муаммони таҳлил қиляпти, аниқ ечим қидирмоқда.

Маълумот ўрнида, сўнгги икки ой ичида акциялари 1,6 фоизга ошган "Toyota" компаниясининг йиллик ишлаб чиқариш ҳажми Япония заводларининг учдан бир қисмини ташкил этади.

– Демак, заводларнинг иш фаолияти бутунлай тўхтаб қолса, фақат компания эмас, балки мамлакат иқтисодиёти зарар кўриши мумкин, деб ёзади “MarketWatch” нашри.