Toshkentning 4 ta tumanida tabiiy gaz yetkazib berish vaqtincha to‘xtatildi
Bugun, 21 avgust kuni poytaxtimizning ayrim tumanlarida tabiiy gaz yetkazib berish vaqtincha to‘xtatiladi. Bu haqda «Hududgaz Poytaxt» GTF matbuot xizmati xabar qildi.
Unga ko‘ra, Olmazor va Shayxontohur tumanlariga soat 10:00 dan 17:30 gacha, Mirobod tumaniga 10:00 dan 18:00 gacha, Yashnobod tumaniga 10:00 dan 17:00 gacha tabiiy gaz yetkazib berilmaydi.
Ta’mirlash ishlari tugatilgandan so‘ng, tabiiy gaz ta’minoti qayta tiklanadi.
Sh.Mamaturopova, O‘zA