Тошкентдаги «Universal Horses Stable» мажмуасида от спортининг конкур йўналиши бўйича шахсий-жамоавий йўналишда Ўзбекистон чемпионати баҳслари бўлиб ўтди.

Чемпионатнинг муросасиз мусобақалари якунида Аъзам Толиббоев, Алишер Эркинов, Ёрмуҳаммад Фозилхўжаев, Дилшод Шокиров, Хуршиджон Алимжонов, Ашрафхон Ниғматов ўз йўналишларида олтин медалларни қўлга киритди.

Жамоавий баҳсларда Тошкент шаҳри вакиллари энг кўп очко тўплаб, 1-ўринни эгаллаган бўлса, Самарқанд ва Қашқадарё вилоятларининг чавандозлари кейинги поғоналарни банд этди.

Т. Рўзиев, ЎзА