Poytaxtimizdagi Respublika olimpiya zaxiralari tennis maktabi kortlarida Xalqaro tennis federatsiyasi taqvimidan joy olgan “J3" turkumidagi tennis musobaqasi bo‘lib o‘tdi.

Mazkur musobaqaning yakkalik bahslarida hindistonlik Yuvan Nandal o‘g‘il bolalar o‘rtasida chempion bo‘lgan bo‘lsa, qizlar orasida rossiyalik Darya Shadchnevaga teng keladigani topilmadi.

Shuningdek, juftlik bahslarida rossiyalik tennischilar – Ivan Yutkin va Oleg Kolninov tandemi musobaqa g‘olibiga aylandi.

Qizlar o‘rtasidagi juftlik bellashuvlarida qozog‘istonlik Asiljon Aristanbekova hamda Aya Nupbay bosh sovrinni qo‘lga kiritdi.


Javohir TOSHXO‘JAEV, O‘zA