Тошкентнинг бой савдогари томонидан “Оқ пошшо” даврида қурилган масжидни биласизми?

Кейинчалик, масжид ерларининг аксар қисми одамларга уй сифатида бериб юборилганини-чи?

Масжид Тошкентда юз берган кучли зилзиладан заррача талафот кўрмагани ростми? Балки бунинг ўзига хос сирлари бордир?

Дарҳақиқат, маълумотларга кўра, ўша масжид бир вақтлар омбор вазифасини ўтаб, шишалар сақланган.

Бир вақтлар масжидни мустамлака зулмидан асраб қолиш учун ундаги ислом шиорлари яъни гумбаз, минора ва нақшли шифтлари беркитилган.

Шунингдек, иккинчи жаҳон урушидан сўнг турли миллатлар учун коммунал уй сифатида ҳам хизмат қилган.

Биз назарда тутаётган масжидда бир вақтлар ҳатто аёллар жамоат бўлиб намоз ўқиган.

Ҳозир ҳам Тошкентга келган мусулмон аёл сайёҳлар намозларини ўша ерда адо қилишлари мумкин.

Масжид имом-хатибининг далолат беришича, масжид бироз таъмирталаб ва аёлларга таҳоратхоналар қуриш учун ёрдам кутилмоқда.

Ушбу видео орқали қайси масжид ҳақида кетаётганини билиб олишингиз мумкин.