Poytaxtimizdagi «Yunusobod» sport majmuasida tennis bo‘yicha erkaklar o‘rtasida "Grand palace cup" xalqaro turniri davom etmoqda.

M15 tasnifidagi musobaqa yakkalik bahslarining ilk davrasida ikki hamyurtimiz – Rahimbek Ibrohimov, Maksim Shin o‘zaro raqobatlashdi. Uchrashuvda Maksim 6:7, 6:0, 6:3 hisobida zafar quchib, ikkinchi davrada chexiyalik Dominik Palan bilan raqobatlashadigan bo‘ldi.

Shuningdek, juftlik bahslarining nimchorak finalida tajribali tennischimiz Denis Istomin neytral tennischi Yevgeniy Karlovskiy bilan birgalikda hamyurtlarimiz Damir Abdusamadov va Amir Milushevni 7:6, 6:4 hisobida taslim qildi.

Endi Denis va Yevgeniy chorak finalda italiyalik Aleksandr Binda va neytral tennischi Ivan Denisovga qarshi kortga chiqadi.

Javohir Toshxo‘jayev, O‘zA