14 декабрь куни кундузи Тошкент шаҳри Сергели туманидаги «Дўстлик-1» даҳасида 47-йўналиш бўйича ҳаракатланган Mercedes-Benz русумли йўловчи автобуси ёниб кетди.

Бу ҳақда Фавқулодда вазиятлар вазирлиги матбуот хизмати хабар бермоқда.

Хабарда қайд этилишича,  14 декабрь куни соат 15:21да Тошкент шаҳар Сергели тумани «Дўстлик-1» даҳасида 47-йўналиш бўйича ҳаракатланаётган Mercedes русумли автобусда ёнғин содир бўлгани тўғрисида туман Фавқулодда вазиятлар бошқармасига хабар келиб тушган.

Шунга кўра, 2 та ёнғин-қутқарув экипажи соат 15:25 да воқеа жойига етиб бориб, ёнғин соат 15:34 да ўчирилган. Ёнғин оқибатида автобуснинг орқа салон қисми ёниб, зарарланган.

Ҳодиса оқибатида жабрланган ва ҳалок бўлганлар йўқ.

ЎзА