Пойтахтимизда шахмат бўйича "Uzchess Cup" халқаро турнири ташкил этилади. Турнирнинг "Мастерс" гуруҳида маҳоратли шахматчиларимиз Нодирбек Абдусатторов, Жавоҳир Синдаров ва Нодирбек Ёқуббоев қаторида жаҳон “ақл гимнастикаси”да ўз салоҳиятига эга бўлган Видит Сантош Гужрат, Парҳам Магсудлу, Шахриёр Мамедяров, Александр Гришчук, Ю Янгйи, Ричард Раппорт, Алексей Сарана дона суради.

Жорий йилнинг 5-15 июнь кунлари ўтадиган мазкур нуфузли мусобақанинг мукофот жамғармаси 166 минг АҚШ долларини ташкил этади. "Uzchess Cup" халқаро турнири 3 та гуруҳдаги мусобақалардан иборат бўлади. 

"Мастерс" гуруҳида рейтинги 2700 ва ундан юқори шахматчилар иштирок этса, "Челленжерс" гуруҳида 2600 ва ундан юқори очкога эга бўлганлар ҳамда "Фьючерс" гуруҳида рейтинги 2500 ва ундан юқори шахматчилар қатнашиш ҳуқуқига эга бўлади. 

Т.Рўзиев, ЎзА