Joriy yilning 12-16 dekabr kunlari O‘zbekiston Badiiy akademiyasi hamda qator vazirlik va idoralar hamkorligida "Toshkent quvonchlari" IX xalqaro bolalar rasmlari biyennalesi tashkil qilinadi.

Mazkur Xalqaro bolalar rasmlari ko‘rgazmasi "Bolalik olami", "Mening Vatanim", "Men yashayotgan dunyo", "Mening orzuim", "Men bilgan O‘zbekiston" kabi mavzularni qamraydi.  

Xalqaro bolalar rasmlari biyennalesi 12 dekabrdan – 16 dekabrgacha o‘tkaziladi.  

Ijodiy ishlar mustaqil tarzda, tashqaridan yordamsiz va shaxsan ishtirokchi tomonidan yaratilishi kerak. Biyennaleda 5 – 15 yoshdagi bolalar ilgari namoyish etilmagan bitta original asar bilan ishtirok etishi mumkin.  

Barcha asarlar biyennalening hakamlar hay’ati a’zolari tomonidan baholanadi. Hakamlar hay’atining qarori yakuniy hisoblanadi.  

Natijalar 2022 yil dekabr oyida e’lon qilinadi.  

O‘zA