Transport vazirligining ma’lum qilishicha, poytaxtimizning ayrim hududlarida yo‘l ta’miri ishlari amalga oshirilayotgani sababli harakat vaqtincha cheklanadi.

Cheklovlar Yangi O‘zbekiston ko‘chasi — Ohangaron shossesidan D012 yo‘ligacha bo‘lgan qism, Jasorat ko‘chasi (Mirzo Ulug‘bek tumani) va Do‘stlik ko‘chasiga (Yashnobod tumani) vaqtincha kiritilgan.

Ta’mirlash ishlari doirasida yo‘llarga yangi asfalt-beton qoplamasi yotqiziladi.

Avtomobil harakatidagi cheklovlar 20 oktyabrgacha amal qiladi.

Vazirlik fuqarolardan harakatni oldindan rejalashtirishni va vaqtincha yo‘llardan foydalanishni tavsiya qildi.

Sh.Mamaturopova,

O‘zA