23-25 октябрь кунлари пойтахтимиздаги Марказий ҳарбий спорт клубида Аралаш жанг санъатлари спорт тури бўйича профессионаллар ўртасида турнир ташкил этилади.

Мудофаа вазири кубоги учун ўтказилаётган мусобақада Қорақалпоғистон Республикаси, Тошкент шаҳри ҳамда барча вилоятлардан 150 нафарга яқин яккакураш усталари иштирок этади. Турнир ғолиб ва совриндорлари 9 вазн тоифасида аниқланади.

Энг кўп иштирокчи МҲСК жамоасидан бўлиб, 28 нафар армиячилар медаллар учун курашади. Фарғонадан 16, Тошкент шаҳридан 14, пойтахт вилоятидан 13, Андижондан 10 нафар қатнашчи мусобақага етиб келган.