Bugun poytaxtimizda Umumjahon pochta ittifoqining Elektron tijoratning operatsion samaradorligini oshirish va rivojlantirish bo‘yicha mintaqaviy loyihasi – Pochta xavfsizligi bo‘yicha ikkinchi seminari boshlandi.

13-16 may kunlari o‘tishi rejalashtirilgan mazkur seminarda  elektron tijorat xavfsizligini oshirish masalalari muhokama qilinishi ko‘zda tutilgan.  

Ushbu seminarda Armaniston, Ozarbayjon, Belarus, Qozog‘iston, Qirg‘iziston, Moldova, Turkmaniston davlarlari pochta xizmatlari vakillari hamda Umumjahon pochta ittifoqi va PostEurop vakillari qatnashmoqda.  

Seminarda milliy yo‘l xaritasi va harakatlar rejasi taqdimoti o‘tkazildi. Tadbirda qatnashayotgan pochta operatorlarining xizmatlari sifatini baholash va sifatni yaxshilash uchun aniqlangan kamchiliklarni muhokama qilish,  yetkazib berishni elektron kuzatish kabi sohaga oid dolzarb mavzular muhokama qilindi.  

N.Rahmonova,  

O‘zA