Uz-Kor Textile Technopark binosida O‘zbekiston – Misr to‘qimachilik forumi bo‘lib o‘tadi.

Shu munosabat bilan “O‘zto‘qimachiliksanoat” uyushmasi, O‘zbekistonning Misrdagi elchixonasi, Investitsiyalar va tashqi savdo vazirligi ko‘magida 25 nafardan ziyod Misr to‘qimachilik korxonalari vakillarining mamlakatimizga amaliy tashrifi uyushtirildi.

UzTextile-News ma’lumotiga ko‘ra, biznes-missiyaga Misr to‘qimachilik sanoatini rivojlantirish uyushmasi raisi boshchilik qilmoqda.
Ta’kidlanishicha, 30 may – 3 iyun kunlari bo‘lib o‘tayotgan tashrif doirasida  Andijon, Farg‘ona, Samarqand, Buxoro viloyatlari va Toshkent shahri to‘qimachilik sanoati salohiyati bilan tanishilmoqda. Har bir viloyatda va respublikamiz poytaxtida “V2V” shaklidagi uchrashuvlar o‘tkazilmoqda.

Mutaxassislarning ta’kidalshcha, O‘zbekiston – Misr to‘qimachilik forumi yangi bozorlarga chiqishga qulay imkoniyat taqdim etadi.

O‘zA