FOTOREPORTAJ

Bugun poytaxtimizda parlament a’zolari, davlat idoralari, nodavlat notijorat tashkilotlari va xorijiy ekspertlar ishtirokida “Fuqarolik jamiyati haftaligi” boshlandi. Tadbir fuqarolik jamiyati institutlari sohasida amalga oshirilgan ishlar tahlili va sohani rivojlantirishga qaratilgan takliflarni muhokama qilishni maqsad qilgan.

Haftalik doirasida NNT milliy forumi, Oliy Majlis palatalari va Adliya vazirligi rahbariyati bilan muloqotlar, xalqaro konferensiyalar, aksiyalar va nogironligi bo‘lgan shaxslar tayyorlagan mahsulotlar yarmarkasi o‘tkazilishi rejalashtirilgan. Shuningdek, soha faollarini rag‘batlantirish maqsadida “Fuqarolik tashabbusi” milliy mukofoti va bir qator ko‘krak nishonlari topshirilishi belgilangan.

[gallery-26494]

Nodavlat notijorat tashkilotlarining muhim tashabbuslarini moliyalashtirish maqsadida “Maqsadli loyihalar” aksiyasi ham uyushtiriladi. Bu mexanizm orqali ijtimoiy ahamiyatga ega tashabbuslarning qamrovini kengaytirish masalalari muhokama qilinadi.

Bunday tadbirlar institutlar o‘rtasidagi muntazam muloqotni kuchaytirishga xizmat qiladi menimcha. Asosiysi, muhokamalardan amaliyotga o‘tadigan aniq mexanizmlar shakllansa, fuqarolik jamiyati rivoji yanada tezlashishi mumkin.  

O‘ktam HAYITOV (surat), O‘zA