Мажбурий ижро бюроси Шайхонтоҳур тумани бўлими иш юритувида фуқаролик ишлари бўйича Яккасарой туманлараро судининг суд буйруғига асосан қарздор Р.С.дан ундирувчи Л.С. фойдасига 1/3 қисм миқдорида яъни икки нафар вояга етмаган фарзандларининг моддий таъминоти учун алимент ундириш белгиланган.

Мажбурий ижро ҳаракатлари давомида давлат ижрочисининг тўғри тушунтириши натижасида вояга етмаган фарзандларнинг таъминоти учун 18 ёшгача бўлган давр учун 117 миллион сўм алимент пуллари икки нафар вояга етмаган фарзандлар учун ундириб берилди.

                   ЎзА