Тошкентдаги «Пахтакор» стадионида Бутунжаҳон ҳайвонларни ҳимоя қилиш куни муносабати билан Меҳр марафони бўлиб ўтди. Бундай мазмундаги тадбир Ўзбекистонда илк бор ўтказилмоқда.

Марафонга 80 та ит рўйхатдан ўтган, улар орасида 58 таси Тошкент шаҳар ички ишлар бош бошқармаси Патруль-пост хизмати ва жамоат тартибини сақлаш бошқармасининг кинология хизмати, ИИВ Махсус операцияларни мувофиқлаштириш бошқармаси Махсус тайёргарлик ўқув маркази кинология хизмати, ФВВ кинология хизмати, Давлат божхона қўмитасининг Миллий кинология маркази, Жамоат хавфсизлиги университети итлари ва хусусий итлар қатнашди.

<iframe width="650" height="420" src="https://www.youtube.com/embed/eIZxWi_fjns" title="Тошкентда  биринчи «Меҳр марафони»  бўлиб ўтади" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Марафонда иштирок этадиган итларнинг қутуришга қарши эмланганлиги тўғрисидаги белгиси, ветеринария паспорти ёки ҳайвоннинг соғлиғи тўғрисида туман ветеринария бўлимининг уч кунлик маълумотномаси бўлиши белгиланди.

Мусобақа масофаси — катта ва ўрта зотлар учун 1 км, кичиклар учун 100 м этиб белгиланди.Марафондан тушган барча маблағ шартли эгалик қилувчи ҳайвонларни стерилизация қилиш дастурига йўналтирилади.