Тошкентда байрам кунлари метро ва автобусларнинг ҳаракатланиш жадвали тасдиқланди
Тошкент шаҳрида ҳаракатланувчи метро ва автобусларнинг байрам кунлари учун графиги тасдиқланди. Унга кўра, «Тошшаҳартрансхизмат» автобус саройлари тасарруфидаги автобус йўналишларининг фаолияти 31 август ва 1, 2, 3 сентябрь кунлари якшанба учун тасдиқланган жадваллар асосида ташкил этилади.
Метро эса 31 август ва 1 сентябрь кунларида одатий иш кунлари учун белгиланган жадвал асосида фаолият олиб боради. 2 ва 3 сентябрь кунлари эса дам олиш кунлари учун мўлжалланган жадвал асосида ҳаракатланади.
Якшанба учун тасдиқланган жадвалларда одатий кундан кўра камроқ автобус ва метро қатнайди. Маълумот ўрнида, 31 август, 1, 2, 3 сентябрь дам олиш кунлари этиб белгиланган.
Ш.Маматуропова, ЎзА