Bugun poytaxtimizda «Ipak yo‘li durdonasi» XIII Toshkent xalqaro kinofestivalining ochilish marosimi oldidan bir qator tadbirlar bo‘lib o‘tdi.

Festival doirasida Rossiya, Turkiya, AQSH, Isroil davlatlari kino ijodkorlari bilan uchrashuvlar o‘tkazildi.

Unda ishtirokchilar kinofestival jahon kino ijodkorlari bilan o‘zaro hamkorlik aloqalarini o‘rnatish va birgalikda filmlar yaratishga munosib hissa qo‘shishini ta’kidladi.

[gallery-4084]

Ayni chog‘da «Ipak yo‘li durdonasi» XIII Toshkent xalqaro kinofestivalining tantanali ochilishi oldidan taniqli jahon yulduzlari qizil yo‘lakdan o‘tish marosimi bo‘lib o‘tmoqda.

Nasiba ZIYODULLAEVA, O‘zA