Наманганда велотрек бўйича ўтказилган Ўзбекистон кубоги мусобақаси якунланди.

Мусобақада 14 та жамоа таркибида 109 та велоспортчи иштирок этди. Уларнинг 24 нафари аёллар.

–Мамлакатимиз велоспортчилари Наманганга бошқача меҳр қўйган, - дейди  вилоят велоспорт федерацияси ижрочи директори  Зулфия Қувватова. 

[gallery-419]

–Ўзига хос спорт марказига айланиб бораётган вилоятимизда октябрь ойидан бери велоспорт бўйича беш марта республика миқёсидаги мусобақаларни ўтказдик.  

Шуни алоҳида таъкидлаш жоиз,  биргина велоспорт мусобақаси туфайли 2020 йилда Наманганга мингдан ортиқ меҳмон ташриф буюрди.  

Қизғин ва муросасиз кечган мусобақада Тошкент вилояти жамоаси ғолиб бўлиб, мамлакат кубогини қўлга киритди. Тошкент шаҳри спортчилари иккинчи ўринни эгаллади. Учинчи ўрин мезбон жамоага насиб этди.  

Ҳотам МАМАДАЛИЕВ (сурат), ЎзА