Toshkent viloyati IIBB hamda DXX viloyat boshqarmasi xodimlari tomonidan tezkor profilaktik tadbirlar muntazam tashkil etib kelinmoqda.

Viloyatning Toshkent tumanida o‘tkazilgan navbatdagi nazorat tadbirlari davomida “Katibatul Tavxid val-Jihod” terroristik tashkilotning g‘oyaviy ta’siriga tushib, ularning faoliyatini qo‘llab-quvvatlab kelgan 8 nafar a’zosi qo‘lga olingan.

Ma’lum bo‘lishicha, ular 22-25 yoshlardagi shaxslar bo‘lib, o‘zaro kelishgan holda, kelgusida Suriya davlatiga chiqib “Katibatul Tavxid val-Jihod” terroristik tashkiloti jangarilari safiga qo‘shilishni reja qilgan.

Hozirda holat yuzasidan qo‘shimcha surushtiruv, tergov harakatlari olib borilmoqda.

A.Musayev, O‘zA