Мамлакатимизда эълон қилинган “Ёшлар ва бизнесни қўллаб-қувватлаш йили” муносабати билан Сув хўжалиги вазирлиги тизимидаги ёшлар ҳамда Тошкент ирригация ва қишлоқ хўжалигини механизациялаш муҳандислари институти талабалари иштирокида “Тошкент” сув омборига экскурсия уюштирилди. Тадбир Сув хўжалиги вазирининг ёшлар билан очиқ мулоқотида билдирилган таклифлардан келиб чиқиб ташкил этилди. Шу кунларда барча вилоятларда сувчи ёшлар ва талабаларнинг йирик сув хўжалиги объектларига экскурсиялари ташкил этилган бўлиб, мақсад уларни сувчилик касби билан яқиндан таништиришдир.

Ёшлар “Тошкент” сув омбори билан танишиш асносида бу ерда «Сув омборлари сиғимини аниқлашда замонавий ускуналарни қўллаш» мавзусидаги семинарда ҳам қатнашдилар. Тадбир Сув хўжалиги вазирлиги ҳамда Ирригация ва сув муаммолари илмий-тадқиқот институти томонидан ўтказилди. Унда замонавий ультратовушли ускуналар ва сунъий йўлдош маълумотларидан фойдаланган ҳолда сув омборларида ўлчаш ишларини олиб бориш ҳақида сўз юритилди. 

<iframe width="650" height="420" src="https://www.youtube.com/embed/Rgu1iQQBSlc" title="“Toshkent” suv omboriga sayyohat" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

- Бутун республикада йирик гидротехник иншоотларга, асосан сув омборларига талаба-ёшларни, сув хўжалиги тизимидаги фаол ёшларнинг экскурсиясини ташқил қиляпмиз, - дейди Сув хўжалиги вазирлиги ёшлар етакчиси Нодир Худойбердиев. – Бугун Тошкент вилоятидаги “Тошкент” сув омборига бевосита экскурсия олиб боряпмиз. Албатта бу тадбир талабаларга қизиқ бўляпти. 

Тадбир давомида юқори аниқлик ва тезликда ишлайдиган “Apache 3” учувчисиз гидрологик ускунасини ишлатиш амалий тарзда кўрсатиб берилди. Ёш сувчилар ва талабаларга экскурсия манзур бўлди. 

Санжар Тошпўлатов, Анвар Аҳмедов (видео), ЎзА