Тошкент шаҳрининг Яшнобод туманида жойлашган Катта Янгиобод МФЙ ҳудудида 1,7 сотих майдонга эга ер участкаси сотувга қўйилди.

Ушбу ер участкасининг бошланғич нархи 350 миллион сўмни ташкил этади. Харидорлар учун энг қулай томони — 12 ой давомида бўлиб тўлаш имконияти тақдим этилган.

Мазкур имконият Ўзбекистон Республикаси Президентининг 2024 йил 6-сентабрдаги ПФ-135-сон Фармони асосида яратилган бўлиб, тадбиркорларга тайёр лойиҳа асосида қурилишни бошлаш учун қулай шароит яратади.

Шунингдек, харидорлар лойиҳа ҳужжатларини ишлаб чиқиш ва рухсатномаларни олишга ортиқча вақт ҳамда харажат сарфламасдан, ер сотиб олинган заҳоти қурилишни бошлашлари мумкин.

Тошкентнинг қулай локациясида жойлашган ушбу участкалар тадбиркорлик фаолиятини йўлга қўйиш учун катта имконият яратади.

ЎзА