Тошкент – Нурота йўналишида мунтазам автобус қатновлари йўлга қўйилмоқда
Нурота автовокзалидан эса автобус соат 6:30 да Тошкент шаҳри томон йўлга чиқади.
Навоий вилояти Нурота тумани аҳолиси ва туманда жойлашган «Чашма» зиёратгоҳига ташриф буюрувчилар учун қўшимча қулайликлар яратиш мақсадида Транспорт вазирлиги қошидаги “ Uzavtotrans service” МЧЖ томонидан Тошкент – Нурота йўналишида мунтазам автобус қатновлари йўлга қўйилмоқда.
Мазкур йўналишда қатновлар бугун – 15 сентябрдан бошланади. Замонавий “YUTONG” автобуслари Тошкентдан Нуротага ҳар куни соат 11:00 да “Тошкент” автовокзалидан ҳаракатланишни бошлайди.
Нурота автовокзалидан эса автобус соат 6:30 да Тошкент шаҳри томон йўлга чиқади.
Автобусларда йўловчилар учун барча қулайликлар мужассам. Кондиционер, иқлим назорати, мультимедиа тизими шулар жумласидан. Бу жараёнда хавфсизлик масалаларига алоҳида эътибор қаратилган бўлиб, йўналишга жўнайдиган ҳар бир автобус техник кўрикдан, ҳайдовчилар эса тиббий кўрикдан ўтказилади.
Автобусларнинг санитар ҳолати мунтазам назорат остида бўлиб, қатнов жараёни GPS тизими орқали онлайн назорат қилинади. Ушбу йўналиш учун йўл ҳақи 60 минг сўм этиб белгиланган.