Тошкент халқаро семинари якунлари: ИҲТнинг ёшлар ҳуқуқларига оид Декларацияси имзоланди
Пойтахтимизда Ислом ҳамкорлик ташкилоти Инсон ҳуқуқлари бўйича мустақил доимий комиссиясининг “Тинчликсевар, демократик жамиятлар барпо этиш ва барқарор ривожланиш йўлида ёшлар ҳуқуқларини рағбатлантириш ва ҳимоя қилишнинг аҳамияти” мавзусидаги 6-семинари ниҳоясига етди.
Пойтахтимизда Ислом ҳамкорлик ташкилоти Инсон ҳуқуқлари бўйича мустақил доимий комиссиясининг “Тинчликсевар, демократик жамиятлар барпо этиш ва барқарор ривожланиш йўлида ёшлар ҳуқуқларини рағбатлантириш ва ҳимоя қилишнинг аҳамияти” мавзусидаги 6-семинари ниҳоясига етди.
Кун тартибидаги охирги мажлисда Комиссия аъзолари анжуманнинг якунловчи ҳужжати лойиҳасини муҳокама қилдилар. Билдирилган амалий фикр-мулоҳазалар асосида лойиҳа маромига етказилди.
Сўнгра халқаро анжуман иштирокчилари ялпи мажлисга тўпланишди. ИҲТ Инсон ҳуқуқлари бўйича мустақил доимий комиссияси раиси Акмал Саидов ИҲТ Комиссияси йиллик 6-семинарининг якунловчи ҳужжатини анжуман аҳлига тақдим этди.
Шу тариқа халқаро семинарда Ислом ҳамкорлик ташкилоти аъзо мамлакатларида ёшлар ҳуқуқлари тўғрисидаги Тошкент Декларацияси қабул қилинди.