Universitet qabul komissiyasidan maʼlum qilishicha, abituriyentlar uchun qator qulayliklar, jumladan kasbiy (ijodiy) imtihon dasturi, tavsiyalar va imtihon natijalari bilish uchun tdpu.uz/kasbiy veb-sahifasi ham yaratilgan.

Imtihonlar oʻtkazilishidan uch kun oldin abituriyentlar roʻyxatdan oʻtish vaqtida koʻrsatgan telefon raqamiga SMS xabarnoma yuborilib, ularga imtihon oʻtkazish sanasi, joyi va vaqti, guruh raqami maʼlum qilingan.

Xolislik va shaffoflikni taʼminlash maqsadida har bir imtihon oʻtkazish joyi kuzatuv kameralari bilan jihozlandi va ota-onalar uchun farzandlarining imtihon topshirish jarayonini ijodiy/tdpu.uz sahifasi orqali onlayn kuzatish imkoniyati yaratilgan.

Bundan tashqari, har bir abituriyent normativ hujjatlarda belgilanganidek ichimlik suvi, tibbiyot niqobi va qoʻlqopi bilan taʼminlanmoqda.