Toshkent davlat agrar universiteti Belarus Mogilev davlat oziq-ovqat universiteti delegatsiyasini qabul qildi
Oʻtgan yili Belarus Prezidenti Aleksandr Lukashenkoning Oʻzbekistonga tashrifi doirasida Oʻzbekiston Oliy va oʻrta maxsus taʼlim vazirligi hamda Belarus Respublikasi taʼlim vazirligi oʻrtasida hamkorlik bitimi imzolangan edi.
Oʻtgan yili Belarus Prezidenti Aleksandr Lukashenkoning Oʻzbekistonga tashrifi doirasida Oʻzbekiston Oliy va oʻrta maxsus taʼlim vazirligi hamda Belarus Respublikasi taʼlim vazirligi oʻrtasida hamkorlik bitimi imzolangan edi.
Ana shu hamkorlik bitimi doirasida Toshkent davlat agrar universitetiga Belarus Mogilev davlat oziq-ovqat universiteti rektori M.A.Kirkor rahbarligidagi Belarus universitetlarining vakillari keldi.
Uchrashuvda mehmonlar universitet hududi, talabalar va xodimlar uchun yaratilgan shart-sharoitlar, oʻquv-amaliy labaratoriyalari hamda universitet qoshidagi “Qishloq xoʻjaligida innovatsion ishlanmalar va maslahat markazi” bilan tanishtirildi.
Belarus delegatsiyasi bilan muzokaralar soʻngida baliqchilik va qishloq xoʻjaligida biotexnologiyalarni joriy etish yoʻnalishlarida hamkorlik aloqalarini oʻrnatish, universitetlar oʻrtasida iqtidorli talabalar, xodimlar va professor-oʻqituvchilar almashinuvi, onlayn taʼlimni shakllantirish, talabalar uchun “Yozgi malaka maktablari” ini tashkil etish kabi masalalar yuzasidan kelishuv shartnomalari imzolandi.