Ҳиндистоннинг Нью-Дели шаҳрида пара енгил атлетика бўйича жаҳон чемпионатининг иккинчи кун доирасида Ўзбекистон терма жамоасининг тўрт нафар аъзоси финал беллашувларида иштирок этади.

Жадвалга мувофиқ, спортчиларимиз қуйидаги дастурларда ўз маҳоратларини намойиш этадилар:

Абдулазиз Абдухакимов — (F32 тоифаси, булава улоқтириш), финал;

Ёрқинбек Одилов — (F57 тоифаси, найза улоқтириш), финал;

Омадбек Ҳасанов — (F47 тоифаси, узунликка сакраш), финал;

Зоҳира Казакова — (F37 тоифаси, ядро улоқтириш), финал.

Эслатиб ўтамиз, кечаги баҳсларда Ўзбекистон терма жамоаси ҳисоби  2 та кумуш ва 1 бронза медаль билан тўлди.

Жавоҳир Тошхўжаев, ЎзА