Тўрақўрғонлик пиллакорлар пилла ҳосилини етиштириш режасини ортиғи билан бажарди. Хусусан, улар 184 тонналик хирмон кўтариб, жорий йил зафар маррасига етиб келди. 2900 нафар пиллакор томонидан 3390 қути ипак қурти парваришланиб, 198 тоннадан зиёд қимматбаҳо саноат хом ашёси етиштирилди.

Жумладан, “Фозилбек Абдулходиев”, “Ҳамроқулов Баҳриддин”, “Комилов Турсунбой”, “Мамадалиев Ойбек” фермер хўжаликлари катта хирмонга арзирли ҳисса қўшди. 632 нафар касаначи томонидан 1030 қути қурт боқилди ва 60255 килограмм ҳосил уларнинг ҳиссасига тўғри келди.    

Пилланинг ҳар килограммига 32 минг сўмдан ҳақ тўлангани, касаначиларга йиллик иш стажи ҳисобланиши ҳам пиллакорлар сафи ортиши ва ҳосилда барака бўлишини таъминлади.  

Гулноза Бобоева, ЎзА