Маълумки, Ёшлар ишлари агентлиги томонидан маҳаллаларда ёшлар сиёсатини самарали амалга оширишда юқори натижадорликка эришаётган энг илғор етакчилар рўйхати ҳар чоракда эълон қилинади.

Шунга кўра, маҳаллаларда ёшлар сиёсатини муваффақиятли амалга оширишда ўз меҳнати ва ғайратини намоён этиб келаётган энг фаол ёшлар етакчиларининг 2024 йил IV чораги бўйича рейтинг натижалари тақдим этилди. 

Маълумки, ўтган йил давомида I , II ва III чорак натижалари асосида жамиятимиз келажаги учун ёшларнинг орзуларига қанот бўлиб келаётган ёшлар етакчилари эътироф этиб келинди.

Бу рўйхатдан жой олган ёшлар етакчилари маҳалла тизимида ўз билим ва фидойиликлари билан ёшларга йўл кўрсатиб, уларнинг мақсад ва интилишларини амалга оширишда жонбозлик кўрсатиб келмоқда. 

Мазкур рейтинг натижалари давлатимиз раҳбарининг 2022 йил 19 январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги қарори ҳамда 2023 йил 21 декабрдаги “Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида”ги фармонида белгиланган вазифаларни сифатли ва юқори даражада бажарганига қараб белгиланган. 

Ушбу рейтинг натижалари 2025 йилда ҳам ҳар чоракда янгиланиб борилади. 

Гулноза Бобоева, ЎзА