Лондонның «Челси» футбол клубы Томас Тухельді команданың бас жаттықтырушысы етіп тағайындады.

Өткен күні Фрэнк Лампардпен қоштасқан аристократтар 47 жасты неміс маманымен 18 айлық келісімшарт жасасқан болып, онда келісімді кейінірек ұзарту туралы тармақты да беліглеп қойған.

Клубтың ресми сайтында жаңа бапкермен келісім жайлы қаржылық мәліметтер жарияланбаған. 

Айта кету керек, Тухель тарихта «Челсиді» басқарған алғашқы неміс маманы болды. Ол  бұған дейін француздық «ПСЖ» клубын басқарып, 2020 жылдың желтоқсанында қызметінен кеткен. Бапкерлік мансабында «ПСЖ» клубынан бөлек Германия бундеслигасындағы «Боруссия Д» пен «Майнц 05» клубтарын басқарған.