Халқаро Олимпия қўмитаси раҳбари Томас Бах крикет спорт турини 2028 йил Америка Қўшма Штатлари Лос-Анжелес шаҳрида ўтадиган ёзги Олимпиада дастурига киритиш лозимлиги хусусида фикр билдирди.

Мулозим бу ҳақда “CNBC-TV18” телеканалига интервьюсида таъкидлаб, 1900 йил II Олимпия ўйинларида илк бор икки жамоа крикет бўйича баҳслашгани, ўтган йил Бирмингемда ташкил этилган Ҳамдўстлик ўйинларида ушбу спорт тури мутахассислар томонидан эътироф этилгани, қолаверса, шахсан ўзи ҳам крикетнинг ашаддий ишқибози эканини айтиб, қачонлардир крикет ўйнаганини ёдга олган.

Мутасадди фикрича, Лос-Анжелес-2028 ташкилий қўмитаси жорий йил 8 сентябрга белгиланган ХОҚ ижроия қўмитаси йиғилишида ушбу масала бўйича якуний қарор эълон қилинади.

Айтиш жоиз, крикет 2028 йил океан ортида бўладиган тўрт йиллик ўйинлар таркибига киришга даъвогарлик қилаётган тўққиз спорт туридан бири.

Т.Рўзиев,

ЎзА