“Tolibon” vakili Afg‘onistonda demokratiya bo‘lmasligini ma’lum qildi
Reyter agentligining xabar berishicha, “Tolibon” harakati vakili Vohidulla Hoshimiy Afg‘onistonda demokratiya bo‘lmasligi, mamlakat shariat qonunlariga muvofiq boshqarilishi haqida bayonot bergan.
"Mamlakatda demokratik tizim bo‘lmaydi, albatta, chunki mazkur tizimning mamlakatimizga hech qanday aloqasi yo‘q... Biz Afg‘onistonda qanday siyosiy tizim qo‘llanishi kerak, degan masalani muhokama qilmaymiz, chunki buning javobi oldindan ma’lum. Bu shariat qonunlari, albatta", - deydi Hoshimiy.