Толибон: Афғон миллатининг сиёсий партияларга эҳтиёжи йўқ!
Сиёсий партиялар фаолияти шариат қонунларига тўғри келмайди, бундай тизимга халқ ҳам муҳтож эмас, деди Толибон ҳукуматида адлия вазири вазифасини бажарувчи Абдул Ҳаким Шароий.
– Сиёсий партиялар диний шаклга эга эмас ва миллат манфаатига жавоб бермайди, миллатнинг ўзи ҳам бунга муҳтож эмас, – деди у матбуот анжуманида. – Тажриба шуни кўрсатмоқдаки, миллатнинг тарқоқлигига айнан сиёсий партиялар сабабчи. Сиёсий партиялар шариат қонунига мос келмайди.
ЎзА