Жапония үкіметі 2040 жылға қарай елдің энергетикалық балансындағы жаңартылатын энергия көздерінің үлесін 40-50 пайызға дейін арттыруды жоспарлап отыр.

«Kyodo» агенттігінің хабарлауынша, мұндай нәтижеге жету үшін энергия тиімділігі мен төзімділігі секілді маңызды көрсеткіштері жоғары балама көздерді, сондай-ақ жел электр станцияларынан басым түсетін икемді күн панельдерін пайдалану қажет.

Жапон үкіметі дайындап жатқан энергетикалық жоспар жобасына сәйкес, 15 жылдан кейін елдегі жалпы энергия қажеттілігінің шамамен 20 пайызын атом энергетикасы, 30-40 пайызын жылу электр станциялары қамтамасыз етеді.

Қолданыстағы жоспар бойынша, 2030 жылға дейін жаңартылатын энергия көздерінің үлесі 36-38 пайыз, атом электр станцияларының үлесі 20-22 пайыз, жылу электр станцияларының үлесі 41 пайыз, ал сутегі мен аммиактың үлесі 1 пайызды құрауы тиіс.