Жапония астанасы Токио қаласында өтіп жатқан XXXII жазғы Олимпиада ойындары барысында Өзбекстан құрамасының қоржынына тағы бір медаль түсті.

28 шілдеде жазғы Олимпиада ойындарының бесінші күні -90 келі салмақта Өзбекстан намысын қорғаған дзюдошы Давлат Бобонов қола медальға қол жеткізді. 

Шешуші кездесуде Бобонов түрік дзюдошысы Михаэл Зганкты иппон әдісімен жеңіп, Өзбекстан Олимпиада делегациясының қоржынын тағы бір жүлде – қола медалімен толықтырды.

Осылайша Өзбекстан құрамасы Токио-2020 Олимпиада ойындарында бір алтын және бір қола медалмен командалық есепте 25 орынға шықты.

Жалпы командалық есеп бойынша ТОП-5 елдер: 

1. Жапония - 13-4-5
2. Қытай - 12-6-9  
3. АҚШ - 11-11-9  
4. Ресей - 7-10-6  
5. Аустралия- 6-1-9