Tojikiston sharqida yakshanba kuni ketma-ket sodir bo‘lgan zilzila natijasida to‘qson to‘rtta uy butunlay vayron bo‘ldi, deb xabar tarqatdi respublika hukumati huzuridagi Favqulodda vaziyatlar va fuqaro mudofaasi qo‘mitasi Inqirozni boshqarish markazi.

Avvalroq Rasht viloyatida yer qimirlashi oqibatida uch yoshli bola halok bo‘lgani haqida xabar berilgan.

Ma’lumotga ko‘ra, 200 dan ortiq yordamchi bino, jumladan maktab, tibbiyot majmuasi, choyxonalar vayron bo‘lgan yoki shikastlangan.

Milliy fanlar akademiyasi Geofizika xizmati hisobotida 2025 yil 13 aprel kuni soat 09:24 da  mamlakatda yer kuchli silkingani qayd etildi. 5-6 ball magnitudali zilzila o‘chog‘i Dushanbe shahridan 160 kilometr shimoli-sharqda ekani aniqlandi. O‘sha kuni tabiiy ofat uch marta qaytalangani sezilgan.