Билим ва малакаларни баҳолаш агентлиги ҳузуридаги Илмий-ўқув амалий маркази томонидан TOEFL ITP ва TOEIC имтиҳонлари учун талабгорларни онлайн рўйхатга олиш бошланди.

Талабгорларни рўйхатга олиш my.uzbmb.uz сайти (“Илмий марказ” бўлими) орқали амалга оширилмоқда ва жорий йил 18 апрелга қадар давом этади.  

Имтиҳонлар 20 апрель куни Тошкент шаҳрида Билим ва малакаларни баҳолаш агентлиги (олдинги Давлат тест маркази) биносида компьютерда электрон тарзда ўтказилади.  

TOEFL ITP ва TOEIC  имтиҳонларидан муваффақиятли ўтган талабгорларга ETS ташкилотининг халқаро сертификатлари тақдим этилади.  

Маълумот ўрнида таъкидлаш лозимки, TOEFL ITP ва TOEIC  сертификатлари халқаро тан олинган сертификатлар  бўлиб, мазкур сертификатларга эга бўлган талабгорлар тегишли қонунчиликка кўра, белгиланган имтиёзлардан фойдаланишлари мумкин бўлади.  

ЎзА