Tennis bo‘yicha Qarshi shahrida o‘tkazilayotgan xalqaro turnirda Nigina Abduraimova, Temur Ismoilov, Sanjar Fayziyev va Jo‘rabek Karimov chorak final yo‘llanmasini qo‘lga kiritdi.

Tennis bo‘yicha Qarshi shahrida o‘tkazilayotgan xalqaro turnirda Nigina Abduraimova, Temur Ismoilov, Sanjar Fayziyev va Jo‘rabek Karimov chorak final yo‘llanmasini qo‘lga kiritdi.

Xalqaro tennis federatsiyasi musobaqalar taqvimidan joy olgan mazkur turnirning yakkalik bahslari ikkinchi davrasida Temur Ismoilov rossiyalik Yevgeniy Tyurnev bilan raqobatlashdi. Uch set davom etgan uchrashuvda Temur 6:1, 6:7, 6:3 hisobida zafar quchdi.

Shuningdek, ushbu bosqichda Sanjar Fayziyev belaruslik Sergey Betovni, Jo‘rabek Karimov esa rossiyalik Bogdan Bobrovni mag‘lubiyatga uchratdi.

Xotin-qizlar o‘rtasidagi yakkalik bahslarida Nigina Abduraimova rossiyalik Anastasiya Frolovani yengdi.

Turnirning chorak finalida N.Abduraimova rossiyalik Olesya Pervushina, S.Fayziyev qozog‘istonlik Dmitriy Popko, J.Karimov estoniyalik Vladimir Ivanov, T.Ismoilov belaruslik Yegor Gerasimovga qarshi kortga chiqadi.