Бейнебайланыс түрінде өтуі 16 қазанға жоспарланған ТМД Мемлекет басшылары кеңесінің отырысы кейінге қалдырылды.

ТМД Атқару комитеті хабарлауынша, кездесу қашан өтетіні әзірше белгісіз. «15 қазанға жоспарланған Сыртқы істер министрлері кеңесінің, сондай-ақ 16 қазанда өткізілуі тиіс Мемлекет басшылары кеңесінің отырысы әлемдегі күрделі эпидемиологиялық жағдайға байланысты және мәселелерді егжей-тегжейлі терең талдау жүргізу үшін кейінге шегеріліп отыр», - делінген ТМД Атқару комитеті хабарында.

Алғашында ТМД саммитін Ташкентте өткізу жоспарланған болатын. Еске салар болсақ биыл 2020 жыл 1 қаңтардан бастап Өзбекстан ТМД-ға төрағалық етуде.