Тәуелсіз Мемлекеттер Достастығында адам құқығы бойынша комиссия құру жоспарлануда.

ТМД Атқару комитетінің баспасөз қызметі хабарлауынша, ТМД-ға мүше мемлекеттер ТМД-ның адам құқығы жөніндегі комиссиясын құруды шұғыл деп санайды. Комиссия құру туралы сараптамалық топтың отырысы 4 наурызда Минскіде өтіп, тараптар осы мәселе бойынша пікір алмасты.

Бейнеконференциялы форматта өткен жиында Армения, Беларусь, Қазақстан, Қырғызстан, Ресей, Тәжікстан, Өзбекстан және ТМД Атқару комитетінің өкілдері қатысқан. 

«Комиссияның басталуы адам құқықтары саласындағы интеграцияланған ынтымақтастықты орнатуға, ТМД-ның беделін нығайтуға және адам құқығы мәселесін саясаттандыру әрекеттеріне қарсы тұруға қызмет етеді», - делінген хабарламада.