29 шілде күнгі жағдай бойынша Өзбекстанда 897 кісі коронавирус жұқтырды. Бұл жыл басынан бергі тіркелген антирекорд саналады. Бұдан бөлек 546 азаматта пневмония анықталып, 7 науқас қайтыс болған.

Күн өткен сайын Өзбекстанда коронавирус жағдайы нашарлап келеді.

«2021 жылдың 29 шілдесіндегі жағдай бойынша Өзбекстанда тіркелген коронавирустық инфекциялар саны 128 403 (+897) жетті», - делінген ДСМ хабарламасында.

Министрлік дерегінше, кеше 650 азамат аурудан сауығып шыққан.

Бүгінде елдегі сауыққандардың жалпы саны 122 368-ге жетіп, індеттен көз жұмғандар 866-ны құрауда.