Ўзбекистон Республикаси Ички ишлар вазирлиги Малака ошириш институтида ички ишлар органларининг вояга етмаганлар масалалари бўйича инспектор-психологлари лавозимларига танлов асосида қабул қилинган 180 нафар ходимнинг қасамёд қилиш маросими бўлиб ўтди.

Академик, олимлар, профессор-ўқитувчилар, масъул ходимлар, жамоатчилик вакиллари, ички ишлар фахрийлари, тингловчиларнинг ота-оналари ва яқинлари иштирок этган тадбирда институт бошлиғи, полковник Олимжон Аҳмедов тингловчиларни табриклаб, бугунги кунда тобора ривожланиб бораётган ватанимизнинг тинчлиги, осойишталигини асраб-авайлаш ҳар биримизнинг шарафли вазифамиз, фарзандлик бурчимиз эканлигини таъкидлади.  

Тингловчилар жонажон Ватанимизга, халқимизга муносиб фарзанд бўлиб, фуқароларимизнинг ҳаёти, соғлиги ва хавфсизлигини таъминлаш учун бор куч-ғайратини аямай садоқат билан хизмат қилишга ваъда бердилар.      

Гулноза Бобоева, ЎзА