Маҳаллий ва жаҳоннинг турли нуқталаридан 250 нафар украиналик ёшлар иштирок этган видеоконференцияда Рим папаси Франциск ватанпарварлик, мулоқот ва кечиримлиликни қабул қилишга чақирди, деб ёзмоқда “Euronews” нашри.

“Рим папаси ва ёш украиналиклар ўртасидаги тарихдаги илк учрашув” деб таърифланган ушбу онлайн йиғилиш Киевдаги соборда бўлиб ўтган.

Ўз мурожаатида у украиналикларни ватанпарвар бўлишга ва ватанларини севишга, шунингдек, қасос олишдан кўра кечиримлиликни қабул қилишга чақирди.

– Уруш очлик олиб келади, -деди Франциск. – Мен ҳар куни кечқурун Ғазодаги черковга қўнғироқ қиламан ва улар менга тез-тез оч қолаётганини айтишади. Зиддиятлар нафақат очарчиликни келтириб чиқаради, балки бевақт ўлимга ҳам сабаб бўлади.

Мусулмон Зиё, ЎзА